Сүүлийн үеийн үйл явдлууд

[Засварлах] Өнөөдөр бол 2008 оны 08 сарын 29

• Орос (зурган дээр ОХУ-ын Ерөнхийлөгч Дмитрий Медведев) Абхаз, Өмнөд Осетийн тусгаар тогтнолыг албан ёсоор хүлээн зөвшөөрөв.
• Иран Эйзман Эйрлайнзын 6895 дугаар нислэг Киргизстаны нийслэл Бишкек хотын Манас олон улсын нисэх онгоцны буудалд сүйрч 68 хүн амь үрэгдлээ.
• Бээжин хотод зохиогдсон 2008 оны зуны олимп эхлэснээсээ 16 хоногийн дараа дууслаа. "Бээжин -2008" Зуны Олимпийн XXIX наадмаас Монголын баг тамирчид хоёр алт, хоёр мөнгөн медаль авлаа. Олимпийн анхны алтан медалийг жүдо бөхийн -100 килограммын жинд барилдсан, Монгол улсын Хөдөлмөрийн баатар, Гавъяат тамирчин Найдангийн Түвшинбаяр, хоёрдахь алтан медалийг боксын 54 кг-ийн жинд тоглосон Монгол Улсын Гавъяат тамирчин Энхбатын Бадар-Ууган нар хүртлээ. Уг олимпийн наадмын анхны медаль болох мөнгөн медалийг 25 метрийн спорт гар бууны төрөлд Монгол Улсын Гавъяат тамирчин Отрядын Гүндэгмаа хүртсэн бол хоёрдахь мөнгөн медалийг боксын 48 кг-ийн жинд өрсөлдсөн ОУХМ Пүрэвдоржийн Сэрдамба авлаа. Ийнхүү медалиар Монгол Улс Олимпод оролцсон 200 гаруй улсаас 31 дүгээрт жагсав.
• АНУ-ын 2008 оны ерөнхийлөгчийн сонгуульд Ардчилсан намаас нэр дэвшигч Барак Обама Делавэйр мужийн сенатч Жоу Биденийг өөрийн дэд ерөнхийлөгчөөр нэр дэвшүүлэхээр боллоо.
• Пакистаны Вах хот дахь зэвсгийн үйлдвэрт амиа золиослогчид хоёр удаа бөмбөгт халдлага үйлдсэнээс болж дор хаяж 60 хүн алагдав.
• Испани улсын нийслэл Мадридийн Барахас нисэх буудлаас дөнгөж хөөрч байсан Спанэйрийн 5022 дугаар нислэгийн онгоц сүйдэж доод тал нь 150 хүн амь үрэгдэв.

Викимэдээ англи хэлээр

[Засварлах] Холбоосууд

• Викимэдээ (англи хэлээр)