მთავარი გვერდი

გარნიეს სასახლე (Palais Garnier), ასევე ოპერა გარნიე, ან უბრალოდ პარიზის ოპერა — 2.200 მაყურებელზე გათვლილი ოპერის თეატრი პარიზის მე-9 ოლქში. შარლ გარნიეს პროექტის ნეობაროკოს სტილის ეს გრანდიოზული შენობა ქალაქის ერთ-ერთი ძირითადი ელემენტია. ოპერის გამზირის ბოლოს, იმავე სახელწოდების მეტროს სადგურთან ახლოს მდებარე შენობა XIX საუკუნის ეკლექტური არქიტექტურის განსაკუთრებულ ნიმუშს წარმოადგენს. მისი აგება უკავშირდება ნაპოლეონ III-ისა და პრეფექტ ჟორჟ ოსმანის მიერ წამოწყებულ პარიზის განახლების პროექტს.

1875 წელს შენობის გახსნიდან, ოპერის თეატრს ოფიციალურად "მუსიკის ეროვნული აკადემია — ოპერის თეატრი" (Académie Nationale de Musique - Théâtre de l'Opéra) ერქვა. ეს სახელი მან 1978 წლამდე შეინარჩუნა, როდესაც მას "პარიზის ოპერის ეროვნული თეატრი" დაარქვეს. ხოლო მას შემდეგ, რაც საოპერო დასი ბასტილიის ოპერის თეატრში გადავიდა, 1989 წელს ამ შენობის დასრულების შემდეგ, თეატრს "გარნიეს სასახლე" დაარქვეს, თუმცა მისი უფრო ოფიციალური სახელი "მუსიკის ეროვნული აკადემია" დღემდე შემორჩა შენობის მთავარი ფასადის კოლონადის თავზე. მიუხედავად სახელების ხშირი ცვლისა და საოპერო დასის ბასტილიის ოპერის თეატრში გადასვლისა, პარიზელები ამ შენობას დღემდე "პარიზის ოპერას" უწოდებენ, ისევე როგორც ყველა დანარჩენ თეატრს, სადაც პარიზის ოპერისა და ბალეტის დასს მისი დაარსებიდან დღემდე მთავარი წარმოდგენები გაუმართავს. (…სრულად)

• ...ტეტრიკუს I (მონეტაზე) გალების ბოლო იმპერატორი იყო...

• ...სიცარიელის აღმნიშვნელი ციფრი ნული ინდოელმა მათემატიკოსებმა შემოიღეს...

• ...1921-1940 წლებში ქალაქ ბოლნისს ლუქსემბურგი ერქვა...

• ...ჰიტლერის თვითმკვლელობიდან რამდენიმე საათში სახალხო განათლებისა და პროპაგანდის რაიხსმინისტრმა იოზეფ გებელსმა ცოლთან ერთად ექვსივე მცირეწლოვანი შვილი მოწამლა და სიცოცხლე თვითმკვლელობით დაასრულა...

• ... ლონდონში მდინარე ტემზის ქვეშ 16 გვირაბი გადის; მათი უმრავლესობა მეტროს ხაზებისთვისაა განკუთვნილი...

• ...საფრანგეთი პირველი ქვეყანა იყო, რომელმაც 35-საათიანი სამუშაო კვირა შემოიღო...

• ეთიოპიელი ჰაილე გებრსილასე (სურათზე) ახალ მსოფლიო რეკორდს ამყარებს ბერლინის მარათონზე 2 საათით, სამი წუთითა და 59 წამით.
• თურქმენეთში ახალი კონსტიტუციით გაუქმდა სახალხო საბჭო და დაშვებულ იქნა ოპოზიციური პარტიები.
• ჩინელი კოსმონავტი ჟაი ჟიგანი წარმატებით ახორციელებს პირველ გასვლას ხომალდის ბორტს გარეთ შენჟუ 7 მისიით.
• აშშ-ის ისტორიაში უდიდესი საბანკო გაკოტრება: ფედერალური დეპოზიტების დაზღვევის კორპორაციამ მის განკარგვაში აყვანილი Washington Mutual-ის აქტივები და ოპერაციები JPMorgan Chase-ს მიჰყიდა.
• იაპონიის დიეტი ქვეყნის პრემიერ-მინისტრად ტარო ასოს ირჩევს ლიბერალურ-დემოკრატიული პარტიიდან.
• საერთაშორისო ასტრონომიულმა კავშირმა ჰაუმეა მზის სისტემაში მეხუთე ჯუჯა პლანეტად გამოაცხადა.

• ძვ. წ. 2333 : კორეის სამეფო შეიქმნა (სახელწოდებით ჯოსეონი).
• 1739 : ოსმალეთმა და რუსეთმა ხელი მოაწერეს ნისას ხელშეკრულებას, რითაც რუსეთ-თურქეთის ომი დასრულდა.
• 1891 : ძლიერი მიწისძვრის შედეგად ტბა ამტყელი წარმოიშვა გულრიფშის რაიონში.
• 1906 : საერთაშორისო რადიოტელეგრაფიის კონვენციამ ბერლინში შველის უნივერსალური ნიშანი SOS მიიღო.
• 1918 : ბორის III ბულგარეთის მეფედ აკურთხეს.
• 1935 : იტალია ეთიოპიაში იჭრება და მეორე იტალია-აბისინიის ომს იწყებს.
• 1952 : დიდმა ბრიტანეთმა წარმატებულად ჩაატარა ატომური ბომბის გამოცდა.
• 1990 : გერმანიის გაერთიანების დღე - გერმანიის დემოკრატიულმა რესპუბლიკამ არსებობა შეწყვიტა.

• დაგვეხმარეთ ტაქსოდაფის სახელმძღვანელოს თარგმნაში.