26. september

26. september er 269. dagur ársins (270. á hlaupári) samkvæmt gregoríska tímatalinu. 96 dagar eru eftir af árinu.

[breyta] Atburðir

• 1580 - Francis Drake lauk hnattsiglingu sinni þegar Gullna hindin kom til hafnar í Plymouth.
• 1915 - Við Stjórnarráðshúsið í Reykjavík var afhjúpaður minnisvarði um Kristján 9. konung á afmælisdegi Kristjáns 10.. Styttan, sem er eftir Einar Jónsson, sýnir konung með stjórnarskrána í framréttri hendi.
• 1939 - Við Raufarhöfn neyddist bresk Catalina-sjóflugvél til að lenda vegna þoku.
• 1942 - Ríkið lagði niður einkasölu sína á bifreiðum, sem það hafði haft í sjö ár.
• 1950 - Vegna mengunar í lofti var dimmt fram eftir degi á landinu og virtist sólin vera bláleit. Talið var að þetta stafaði frá eldgosi á Filippseyjum eða af skógareldum í Norður-Ameríku.

• 1959 - Í Reykjavík mældist metúrkoma á einum sólarhring, 49,2 millimetrar.
• 1960 - Á leið sinni vestur um haf kom Harold Macmillan, forsætisráðherra Breta, við á Keflavíkurflugvelli og ræddi við starfsbróður sinn, Ólaf Thors, um landhelgismálið.
• 1969 - Ellefta breiðskífa Bítlanna, Abbey Road, kom út í London.
• 1970 - Íslensk flugvél fórst á Mykinesi í Færeyjum. Þetta var Fokker Friendship farþegavél frá Flugfélagi Íslands og voru 30 farþegar um borð auk fjögurra manna áhafnar. Átta manns fórust, þar af einn Íslendingur.
• 2006 - Á bilinu 10-15 þúsund manns gengu mótmælagöngu niður Laugaveg til þess að mótmæla stóriðjustefnu ríkisstjórnarinnar. Þetta voru talin vera fjölmennustu mótmæli á Íslandi frá 24. maí 1973.
• 2008 - Gengisvísitala íslensku krónunnar fór upp í 183,91 stig og hafði þá aldrei verið hærri. Krónan hafði aldrei verið lægri gagnvart evrunni (1/140,96) og ekki lægri gangvart bandaríkjadal síðan árið 2002 (1/96,80).

[breyta] Fædd

• 1161 - Guðmundur góði Arason, Hólabiskup (d. 1237).
• 1870 - Kristján 10. Danakonungur (d. 1947).
• 1889 - Martin Heidegger, þýskur heimspekingur (d. 1976).
• 1916 - Halldór Pétursson, íslenskur listamaður (d. 1977).
• 1918 - Ólafur Jóhann Sigurðsson, íslenskur rithöfundur (d. 1988).
• 1948 - Olivia Newton-John, leik- og söngkona.
• 1962 - Ólafur Jóhann Ólafsson, íslenskur rithöfundur og viðskiptajöfur.
• 1962 - Gunnar Svavarsson, íslenskur stjórnmálamaður.
• 1981 - Serena Williams, tennisleikari

[breyta] Dáin

• 1945 - Béla Bartók, ungverskt tónskáld (f. 1881).
• 1991 - Miles Davis, tónlistarmaður.