Wikipedia:Politicas e directivas

Proposition de politica official
Iste pagina es un propositon de politica official, basate in "Lo que Wikipedia non es" de altere Wikipedias. Per iste ration, il poterea non haber consenso de tote le communitate de Wikipedia in interlingua.

Wikipedia es un projecto collaborative e su fundatores e contribuentes ha un objectivo commun:

Nostre objectivo con Wikipedia es crear un encyclopedia libere — de facto, le plus grande encyclopedia in le historia, in amplitude tanto como in profunditate. Nos tamben vole que Wikipedia deveni un ressource digne de confidentia.

Le Wikipedia ha alcun politicas e directivas que es generalmente acceptate e considerate importante, o mesmo essential, per le fundatores e participantes del projecto. Illos nos adjuta a laborar verso nostre objectivo. Es importante notar que alcunes de iste politicas ancora evolve, a mesura que Wikipedia cresce e se disveloppa. Alcun alteres, totevia, ja se ha stabilite desde un longe tempore e non es considerate controverse per le ample majoritate del "veteranos" de Wikipedia.

Contento

[modificar] Politicas generalmente acceptate

Sia impartial. Le articulos debe esser scribite in un vision impartial, lo que significa que le articulos debe representar differente punctos de vista super un subjecto de maniera juste e sympathic.
Non infringe derectos de autor. Wikipedia es un encyclopedia libere licentiate sub le terminos del licentia GNU pro documentation libere. Submitter material sin le permission del detentor del derectos de autor menacia nostre objectivo de construer un encyclopedia realmente libere que qualcunque persona pote redistribuer, {and could lead to legal liability for the project}. Vide Wikipedia:Derectos de autor pro plus information.
Wikipedia es un encyclopedia. Le sito debe esser usate primarimente pro disveloppar le encyclopedia. In particular, discussiones in paginas de discussion debe esser devotate a meliorar articulos. Vide Wikipedia:Lo que Wikipedia non es.
Respecta le altere contribuentes. Le contribuentes de Wikipedia veni de multe paises e culturas differente, e ha punctos de vista amplemente differente. Tractante le alteros con respecto nos es capace de cooperar efficacemente in le construction de un encyclopedia. Pro alcun directivas, vide Wikipedia:Etiquetta.
Seque le conventiones. Sequente iste conventiones nos es capace de producer un encyclopedia plus consistente e usabile:
- Wikipedia:Politica de edition — Como editar articulos
- Wikipedia:Conventiones de nomenclatura — Como intitular articulos
- Wikipedia:Disambiguation — Como resolver conflictos de intitulation
- Wikipedia:Politica de deletion — Quando e como deler

Pro politicas super le uso de functionalitates restricte, vide Wikipedia:Administratores.

Vide tamben Wikipedia:Errores commun a evitar pro informationes utile pro novicios.

[modificar] Como se face complir iste politicas?

Tu es un editor de Wikipedia. Wikipedia non ha un editor-in-chef o un mechanismo central "de alto a basso" per le qual le progresso quotidian del encyclopedia es monitorate e approbate. In vice, participantes active monitora le modificationes recente e face modificationes e correctiones al contento e al problemas de formato que illes vide. Alora le participantes es simultaneemente redactores e editores.

In casos extreme e inusual, Jimbo Wales ha intervenite in le Wikipedia anglese pro bannir un usator que se ha monstrate excessivemente perturbator. Jimbo tamben ha declarate que certe politicas es, essentialmente, politicas official de Wikipedia; vide iste message postate in Wikien-l e le declaration de principios de Jimbo Wales.

[modificar] Como le politica ha essite formulate

Le politica de Wikipedia es formulate principalmente per costume e consenso. In consequentia, le declarationes in iste pagina e in paginas adjacente debe esser considerate como descriptiones de normas de communitate existente que se ha disveloppate in le curso del tempore. Questiones ancora es levate e debattite in le paginas de discussion, le Meta-Wikipedia, e le lista de discussion Wikipedia-L. Tote persona interessante in le politica, novas, e vita social de Wikipedia debe subscriber ille lista de discussion.

Alcun usatores labora super un processo de prisa de decisiones], sperante que illo essera usate pro un accordo super un collection de politicas pro le projecto, assi como in le processo usate pro lor interpretation.